Felly beth allwn ni ei wneud? Mae'n hawdd teimlo does dim y gallwn i wneud mewn sefyllfaoedd fel y rhain, ond mae'n rhaid i ni gofio bod gan bob un ohonom ran i'w chwarae, ac y gallwn gyda'n gilydd wneud i bethau anhygoel ddigwydd.
Mae lefel yr ofn a'r ansicrwydd rydyn ni'n ei wynebu ar hyn o bryd yn ddigon gyfarwydd i'r bobl a'r anifeiliaid y mae ein helusennau'n gweithio'n ddiflino i helpu ac amddiffyn, ac iddyn nhw mae Loteri Cymru yn bodoli ac felly iddyn nhw rydyn ni'n parhau nawr.
Dros yr wythnosau diwethaf, mae Loteri Cymru wedi bod yn gwneud cynlluniau i'n tîm cyfan hunan-ynysu, tra bod ein loteri yn parhau i redeg a chodi arian. Mae hyn wedi golygu rhai newidiadau, rhai cyfaddawdau ac aberthau, syniadau newydd ac offer newydd trwy fuddsoddiad sylweddol. Ond rydyn ni wedi llwyddo i’w wneud, ac rydyn ni nawr yn gallu parhau i weithredu Loteri Cymru o bell. Bydd y loteri yn parhau!
Gyda'r tîm wedi setlo yn eu cartrefi yn ddiogel, gallwn nawr weithio gyda'n gilydd i amddiffyn incwm y loteri a darparu arian i'n helusennau lleol i'w cefnogi trwy'r amser digynsail hwn.
I gefnogi Cymru a'r cymunedau Cymreig ar adegau anodd oedd y rheswm y crëwyd Loteri Cymru. Bob tro rydych chi'n chwarae Loteri Cymru, Cymru sy’n elwa ac rydyn ni'n profi hynny yn fwy nag erioed ar hyn o bryd. Os ydym i gyd yn cadw'n ddiogel ac yn gofalu am ein gilydd, gallwn ni a'n helusennau helpu ein gilydd drwodd i'r ochr arall. Trwy chwarae'r loteri rydych chi'n ei helpu, ond os oes gennych chi'r modd, a dim ond os oes gennych chi, ystyriwch roi yn uniongyrchol i elusennau yng Nghymru ar yr adeg hon pan maen nhw mor hanfodol angen arian.
Felly, fel bob amser, pob lwc a diolch am eich cefnogaeth. Gobeithio y byddwch chi a'ch anwyliaid yn aros yn ddiogel ac yn iach yn ystod yr adeg anodd hon.